NODA BULA VAKARISITO

Vukei Luvemu me Dei Tiko ga Nona Vakabauta na Dauveibuli

E vakalagilagi o Jiova ena nona ibulibuli. (Sm 19:1-4; 139:14) Ia e uqeti ena vuravura i Setani na ivakavuvuli e beci kina na Kalou me baleta na itekitekivu ni bula. (Rom 1:18-25) O na taqomaki ira vakacava na luvemu me kua ni tugani e lomadra kei na nodra vakasama na ivakavuvuli va qori? Vukei ira nira se lalai mera vakabauta ni bula dina o Jiova, e kauaitaki ira tale ga. (2Ko 10:4, 5; Efe 6:16) Takiva mai na ka e tu e lomadra era vakavulici kina mai koronivuli, vakayagataka tale ga na ivukevuke yaga era sa tu mo tara kina na lomadra.—Vvb 20:5; Jem 1:19.

Dua na tama e vakavulici luvena me baleta na veika buli; e vakavulici e koronivuli na bula vakaidewadewa; Ka Era Kaya Nomu iCaba—Vakabauta na Kalou

ME SARAVI NA VIDIO KA ERA KAYA NOMU ICABA—VAKABAUTA NA KALOU, QAI SAUMA NA TARO ERA TOKA QORI E RA:

Na ivakavuvuli lasu cava sa takalevu tu nikua me baleta na vakabauta na Kalou?
Na cava o vakavulici kina e koronivuli?
Na cava o vakadeitaka kina ni bula dina tiko o Jiova?
O na vukea vakacava e dua me vakabauta ni bulia na kece na Kalou?