Sala Mo Gumatua Kina ni Vulica na iVolatabu

Ni o vakatovolei, o na via yalodina tale ga me vakataki Taniela? E vulica vagumatua o Taniela na Vosa ni Kalou, wili kina na parofisai dredre. (Tan 9:2) Ena uqeti iko nomu gumatua ni vulica na iVolatabu mo yalodina tiko ga. Ena sala cava? O sa na vakabauta kina vakalevu ni na yaco dina na yalayala i Jiova. (Jos 23:14) O na lomani koya tale ga vakalevu, ni na uqeti iko mo cakava na ka e dodonu. (Sm 97:10) Ia o na cakava vakacava qori? Dikeva mada eso na vakatutu.

• Na cava meu vulica? Na ituvatuva ni vuli vinaka e okati kina nomu vakavakarau ena soqoni. Ena yaga na wili iVolatabu vakamacawa ke tiko na gauna mo vakelia kina na tikina e sega ni matata. Kena ikuri, eso era vulica na parofisai vakaivolatabu, na itovo e okati ena vua ni yalo tabu, ilakolako vakaulotu ni yapositolo o Paula, se ibulibuli i Jiova. Ke o nanuma e dua na taro vakaivolatabu ena dua na siga, mo vola qai vulica ena nomu vakekeli tarava.

• Au na vakadidike e vei? Sarava eso na vakatutu ena vidio iVukevuke ni Vakekeli. Vakatovotovo ena nomu vakelia na yaca ni matanitu qaqa e vuravura e dusia na manumanu kila ena Taniela wase 7.

• Me vakacava na balavu ni noqu vuli? Meda bulabula vakayalo, e bibi na vuli wasoma. Rawa ni lekaleka nomu vuli ni se qai tekivu, toso na gauna e rawa ni balavu. Na noda vulica na Vosa ni Kalou e vaka nida vakelia na iyau vuni; na levu ni iyau eda kunea, na levu tale ga ni noda kelikeli tiko ga! (Vvb 2:3-6) O sa na vinakata vakalevu na Vosa ni Kalou, ena dei tale ga nomu ituvatuva ni vuli iVolatabu.​—1Pi 2:2.

NA CAVA E DUSIA NA MANUMANU KILA ENA TANIELA WASE 7

• 

  Tan 7:4

• 

  Tan 7:5

• 

  Tan 7:6

• 

  Tan 7:7

SO TALE NA TARO:

E vakayacori vakacava na Taniela 7:8, 24?

VAKEKELI TARAVA:

Na cava e dusia na manumanu kila ena Vakatakila 13?