Mo Vakarautaka na Lomamu

Nida vulica na iVolatabu, eda vinakata me uqeta na lomada na rai i Jiova. E ivakaraitaki vinaka ena tikina qori o Esera ni “vakarautaka na lomana . . . me vaqaqara ena Lawa i Jiova.” (Esera 7:10) O na vakarautaka vakacava na lomamu?

Mo masu. Me tekivu nomu vuli ena masu. Kerei Jiova me vukei iko mo kila na ibalebale ni ka o vulica qai muria sara.​—Same 119:​18, 34.

Mo yalomalumalumu. E vunia na Kalou na ka dina vei ira na dokadoka era nuitaka ga nodra vuku. (Luke 10:21) Kua ni vakekeli mo vakadrukai ira eso tale. Mo yalomalumalumu mo veisautaka nomu rai ke sega ni salavata kei na rai ni Kalou.

Rogoca na sere ni isoqosoqo. E uqeta na lomada na ivakatagi, e vakarautaki keda ena sokalou. Nida rogoca e dua na sere ni isoqosoqo ni vakarau tekivu noda vuli, ena rawa ni vakarautaka na lomada.