Vakabulai Koya e “Dua na iVola Makawa”

◼ E dua na iVakadinadina i Jiova mai Brazil, e Sauca Amerika, a vunau tiko e veivale ena gauna e sotava kina e dua na marama, a tukuna vua na marama qo ni a vakabulai vugona yalewa e dua na ivola. E via kila sara ga na ivola qori na iVakadinadina, mani tarogi koya se ivola vakacava. “E dua na ivola makawa sara,” e kaya na marama ya, qai lai kauta mai na ivola nei luvena tagane e sa makawa tu na My Book of Bible Stories (iTalanoa Mai na iVolatabu).

A vakamacalataka na marama qo ni dau tiko ga ena nona loga o vugona baleta ni dau yalolailai qai daurerevaka na mate kei na butobuto. A kauta mai na luvena tagane na ivola iTalanoa Mai na iVolatabu, qai dau wilika vei buna. A marautaka o buna na veika a wilika tiko na makubuna, e uqeti koya sara ga qai wali kina nona leqa.

E kaya na iVakadinadina: “Niu tukuna vua na marama qo nira tabaka na iVakadinadina i Jiova na ivola qori, e rawa tale ga niu kauta mai e dua me nona, a kerea e rua—me rau yadua kei vugona. Niu lai solia vua na ivola, a kerea tale me levu. Toso na gauna, e 16 taucoko na ivola qori a veisoliyaka vei ira na nona itokani!”

Rawa ni o kerea e dua na ilavelave ni vola na iTalanoa Mai na iVolatabu, e toka kina e 116 na italanoa me baleti ira na bula ena gauna vakaivolatabu kei na veika a yaco kina. Sa oti qo e 30 na yabaki na kena tabaki na ivola qo, e sa tabaki e sivia na 72 na milioni na kena ilavelave. Ke oni kerea e dua na ilavelave, vakalewena na fomu e toka e ra qai vakauta ena itikotiko e tabaki toka e ra se na itikotiko e veiganiti ena tabana e 5 ni mekesini qo.

❑ Au kerea me dua noqu ilavelave ni ivola e tabaki toka qo.

❑ Au kerea me dua mai vakavulici au wale e vale ena iVolatabu.