Na Rikarikayame Mata Buawa

E TIKO ena mata ni rikarikayame e dua na ka vakasakiti e rawa ni cakacakataka na balavu ni vanua me ladeva. E rawa vakacava qori?

Vakasamataka mada: Me cakacakataka na rikarikayame na yawa ni vanua me ladeva, ena vakayagataka e dua na ka vakasakiti e tiko ena rua na matana lelevu. Na retina ni matana ruarua qori, e va tiko na kena iwasewase e ciqoma na rarama e raica. Ni curuma na imatai ni wase ni retina na rarama drokadroka ena makare na ka e raica, ia ena buawa ke curuma na vo ni wase ni nona retina. Ni buawa ga vakalevu na rarama e curu ena iwasewase ni retina qori, sa na qai voleka ga e matana na ka e raica. Qori e rawa kina ni cakacakataka na yawa ni vanua me ladeva me toboka na kena.

Era vinakata na dauvakadidike mera vakatotomuria na ka e cakava na mata ni rikarikayame, mera bulia kina eso na itaba e vakatokai na 3-D, se na robot me cakacakataka na yawa ni vanua e tiko kina e dua na ka. E tukuni ena ScienceNOW, e dua na site ni nius ena internet, ni mata ni rikarikayame e sa bau “vakasakiti dina na ka e rawa ni cakava kei na nona cakacakataka eso na itukutuku vereverea, ia na balavu ni manumanu qo e veimama ga na sedimita, e lailai tale ga na nona mona ni vakatauvatani kei na lago.”

Na cava o nanuma? Na buawa ni matana na rikarikayame e bula vakaidewadewa se buli?