Ni Yaco na Leqa

E SEGA ni dua e levea ni yaco na leqa. Era okati tale ga kina o ira era nanuma ni tu vei ira na ka kece.

E KAYA NA IVOLATABU:

“Ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.” —Dauvunau 9:11.

Koya gona, e bibi meda kila na ka meda cakava nida sotava na leqa. Kena ivakaraitaki:

• Ni vakacacani na ka kece eda taukena ena leqa tubukoso.

• Ke da tauvimate bibi qai vinakati meda qaravi vakavuniwai.

• Ni takali e dua na wekada lomani.

Era vakabauta na iVakadinadina i Jiova, o ira na vakarautaka na ivola qo, ni na sega wale ga ni na vukei keda na iVolatabu meda vosota na leqa, ia ena vakadeitaka tale ga na noda inuinui. (Roma 15:4) Ena kilai qori ena tolu na vakasavuirogorogo qo.