VEIYASA I VURAVURA

Merika

Era sa tekivu vakayagataka eso na ovisa na iyaya vakalivaliva na GPS ena motoka mera tobo kina na daubasulawa, me kua tale ga ni levu na vakacalaka. Ena vanataki na GPS me kabi ena motoka e cemuri tiko qai vakamuri vakamalua me yaco nira sa tobo.

Idia

E tukuni ni voleka ni veiaua ena mate e dua na marama e Idia ni lailai na iyau e solia na nona vuvale ina vuvale i tagane. Sa vakatabui vakalawa na itovo vakavanua qori, ia e laurai ena vakadidike ni sivia e 8,200 era mate ena 2012 ni lailai vei tagane se vei ira na wekana na iyau e solia na vuvale i yalewa.

Suwitisiladi

E makataki e tolu na manumanuvuka na alpine swift, e vuvale vata kei na kakabace. Qai laurai ni ratou tu ga e macawa me sivia e 200 na siga ena nodratou biuvanua me ratou vuka i Aferika. Ia qori na ka ga era dau cakava na manumanuvuka ni waitui.

iYarabale kei Aferika

Mai na June 2005 ina Tiseba 2012, era taura vakaukaua na daubasulawa e wai e rauta ni 179 na waqa ena iYarabale kei Aferika. E cakacakataka na Baqe ni Vuravura na World Bank ni vakayagataki e $413 na milioni na ilavo ni Merika mera sereki kina.