Na Yava ni Ose

NA TOTOLO ni cici ni ose e rawa ni tiko ena 50 na kilomita dua na aua. Ia e lailai sara na igu kei na kaukaua e vakayagataka. E rawa vakacava qori? Rawa ga ena yavana.

Vakasamataka mada na ka e yaco ni cici tiko na ose. Ni butu na ose e curuma na ua malumu ni nona masela na igu, ena riba lesu na igu qori qai toso kina e liu na ose.

Na totolo ni nona cici e rawa tale ni mavoa kina na ua ni yavana. Ia na masela ni yavana e dau qai vakamalumutaka. Era tukuna na dauvakadidike ni “vakatubuqoroqoro na buli ni ua ni masela qo” e vu ni totolo kei na kaukaua.

Era saga tiko na idinia mera vakatotomuria na ibulibuli ni yava ni ose mera bulia kina e dua na misini vakalivaliva e yavaiva. Ia e kaya na tabana ni buli misini vakalivaliva ena Massachusetts Institute of Technology na Biomimetic Robotics Laboratory, ni sa rui vereverea na ibulibuli ni yava ni ose, e dredre kina me ratou vakayagataka na kila kei na iyaya vovou sa tu me vakatotomuria na kena ibulibuli.

Na cava o nanuma? E bula vakaidewadewa se buli na yava ni ose?