Dua na Were Totoka

RAICA mada na vuravura oqo! E totoka dina! Raica na co, na veikau, na senikau, kei na veimataqali manumanu. O raica rawa na elefaniti kei na laione?

E mai tu vakacava na were totoka oqo? Meda raica mada se a vakarautaka vakacava na vuravura na Kalou.

Taumada, e vakatubura na co me ubia na qele, vaka tale ga kina na kau lelevu kei na kau lalai. Na veika bula oqo e rairai vinaka kina na vuravura. E sega ni o koya wale ga oqori, era vuataka tale ga na vuanikau e kana vinaka.

Oti oya sa ra qai buli na ika mera veiqaloyaki e wai kei na manumanu vuka mera veivukayaki e macawa. E bulia tale ga na koli, na pusi kei na ose, na manumanu lelevu kei na ka lalai. Na manumanu cava e tiko volekata na nomudou vale? E marautaki dina ni a bulia na ka kece oqo na Kalou ena vukuda!

Ni sa oti kece oqori sa qai vakarautaka na Kalou e dua na vanua vinaka sara ena yasa ni vuravura. E vakatoka me were o Iteni. Sa bau totoka dina. E tu kece kina na veika rairai vinaka. A vinakata na Kalou na vuravura taucoko me vaka sara ga na were totoka oqo.

Ia raica tale mada na iyaloyalo. O kila beka se cava a raica na Kalou ni se yali tiko? Meda raica mada.