O Cei a Buli Iko?

1 A bulia na lomalagi kei na vuravura na Kalou.—Vakatekivu 1:1

2 Na Kalou e tiko na yacana. Na yacana o Jiova.—Same 83:18

E tiko mai lomalagi o Jiova. E kabula vakayalo. E tawarairai.—Aisea 66:1; Joni 1:18; 4:24

3 Na Kalou o Jiova a bulia e levu na agilosi mai lomalagi. Era kabula tale ga vakayalo. Era vinaka kece ena gauna a buli ira kina o Jiova. Ena gauna makawa era dau vukici ira mera tamata me rawa nira laurai.—Iperiu 1:7

4 Sa dede nona bulia na manumanu o Jiova, ni bera ni qai bulia na tamata.—Vakatekivu 1:25

5 A bulia o Jiova e dua na tagane na yacana o Atama, kei na watina o Ivi.—Vakatekivu 1:27

A biuti rau na Kalou ena dua na were totoka, se parataisi. A bulia e dua ga na wati Atama. Na tagane me na tiko ga kei na watina.—Vakatekivu 2:8, 21, 22, 24

6 Na yalo e igu sara ga ni bula ni tamata, e bula tiko kina.—Jope 34:14, 15

7 Na yalo vata ga oqori era bula kina na manumanu.—Dauvunau 3:21