Na Cava mo Cakava?

50 O via bula tawamudu ena parataisi oya?

Vulica tiko ga na ka e kaya na Kalou. Saga mo dau wili iVolatabu.—Joni 17:3; Vakatakila 1:3

51 Vulica e levu tale na ka me baleti Jisu.—Vakarua 18:18, 19; Joni 3:16; Cakacaka 3:19-23

52 Saga mo cakava ga na ka vinaka qai dau talairawarawa vei Jiova.—Roma 6:17, 18, 22

53 Nanuma tiko, ni vakatabuya o Jiova na laba.—Lako Yani 20:13; 1 Joni 3:11, 12

54 E tabu na butako.—Lako Yani 20:15;Efeso 4:28

55 Me rau kua ni tiko vata na tagane kei na yalewa erau sega ni vakamau. —Lako Yani 20:14, 17; 1 Cesalonaika 4:3

56 O se nanuma tiko ni vakatara na Kalou me dua ga na watina na tagane? Me vakacava na dede ni nodrau veiwatini?—Vakatekivu 2:22, 24; Maciu 19:5, 6; 1 Korinica 7:2, 10, 11

57 Nanuma tiko ni sega tale ni dua na Kalou me qaravi, o Jiova duadua ga.—Maciu 4:10; 1 Korinica 8:6

58 Na cava na vuna e sega ni rawa nira vukei keda kina na matakau kei na ivakatakarakara?—1 Korinica 8:4

E donu beka ke da qarava na matakau?—Vakarua 27:15; 1 Joni 5:21

59 Na cava e ca kina na vakacuru se noda maroroya na iyaya ni vakatevoro?—Vakarua 18:10-13; Vakatakila 21:8

60 Era talaidredre vua na Kalou na agilosi ca se o ira na timoni. Era veivakacalai ena nodra vakayagataki ira na daurairai.—Cakacaka 16:16, VV

61 E bibi meda masu vua na Kalou. Eda dau vosa vua ena masu meda tukuna kina nida via qaravi koya da qai kerea na nona veivuke.—Filipai 4:6, 7

62 Meda talairawarawa tale ga vei Jisu da qai vakabauti koya.—Iperiu 5:9; Joni 3:16

63 Nanuma tiko ni a mate meda bula kina.—Roma 5:8

64 Nanuma tale ga ni o Jisu na noda Tui. Eda sega ni raici koya, ia e dodonu meda talairawarawa vua.—Filipai 2:9-11; Vakatakila 19:16

65 E kaya o Jisu mo tukuna vei ira tale e so na veika vinaka o vulica. E kaya tale ga ni o ira era via qarava na Kalou mera papitaiso.—Maciu 28:19, 20; Joni 4:7-15

66 Tukuna vei ira nomu itokani na veika vinaka o vulica.—Maciu 10:32

67 Ke o saga mo kila vinaka na wilivola, ena levu sara na ka o kila qai vakarawarawataka nomu vukei ira tale e so.—2 Timoci 2:15

68 O Jisu a vakavulici ira tale ga na gonelalai mera talairawarawa vua na Kalou. A solia na nona gauna me vosa kina vei ira.—Maciu 19:13-15

69 E nodra itavi na itubutubu mera vakavulici ira tiko ga na luvedra mera talairawarawa vua na Kalou ra qai lomani koya.—Vakarua 6:6, 7; Vosa Vakaibalebale 6:20-22; Efeso 6:4

70 E levu tu na veimatalotu. Levu tale ga nodra ivakavuvuli e sega ni yavutaki ena iVolatabu. E vakarota o Jiova meda drotani mai na lotu e sega ni vakavuvulitaka na ka dina.—Vakatakila 18:4; Joni 4:23, 24

71 Era tiko e veiyasa i vuravura na tamata i Jiova, e rawa nira vakavulici iko mo kila e levu tale na ka me baleti koya. O kila se o cei o ira?—Cakacaka 15:14; Roma 10:14, 15

72 Oqo o ira na iVakadinadina i Jiova. Era dau veiyaloni. O kila na vuna? Baleta nira dau veilomani.—Aisea 43:10-12; Joni 13:34, 35

73 Era papitaiso ena nodra lomani Jiova. Era cakava oqo mera vakaraitaka kina e matanalevu nira sa biuta na nodra itovo ca ra qai via qarava na Kalou.—Cakacaka 2:41

74 Era nuitaka na iVakadinadina i Jiova mera na bula ena parataisi.—Same 37:9-11, 29

Na cava mo cakava mo bula tale ga kina ena parataisi?—Jemesa 1:22, 25; 2:20-26

75 Tomani ira tiko ga ena nomu vulica mo qaravi Jiova. Era lomana ra qai talairawarawa vei Jiova kei Jisu Karisito. Vakacava o iko? O via vukei ira tale ga e so mera kila na Kalou?—Joni 6:45-47

76 Erau lomani iko o Jiova kei Jisu Karisito rau qai vinakata mo bula tawamudu ena parataisi.—Joni 3:16

E nuitaki ni veika o vulica ena nomu dikeva na iyaloyalo kei na itukutuku ena ivola oqo o na via bula marau kina e vuravura me tawamudu. Ke o via kila e so tale na kena ivakamacala, qai raici ira na iVakadinadina i Jiova ena nomu yasayasa. Se, rawa mo volavola se kerea e dua tale me volavola ena vukumu, ena itikotiko veiganiti ena tabana e rua.