LESONI 9
Gauna Cava ena Parataisi Kina na Vuravura?
Na leqa era yaco tu e vuravura e vakadeitaka ni sa vakarau yavala na Matanitu ni Kalou. Luke 21:10, 11; 2 Timoci 3:1-5
E levu na ka e yaco tu nikua a parofisaitaki ena iVolatabu. A tukuni kina nira na lomana na ilavo na tamata, era na talaidredre vei ira nodra itubutubu, era na voravora ra qai lomana ga na marau.
Ena yaco na uneune lelevu, ivalu, dausiga kei na matedewa. Sa yaco sara tu ga nikua na veika qori.
A kaya tale ga o Jisu ni na vunautaki e veiyasa i vuravura na itukutuku vinaka ni Matanitu ni Kalou.—Maciu 24:14.
Ena muduka na ca kece na Matanitu ni Kalou. 2 Pita 3:13
Sa vakarau vakarusai ira na tamata ca o Jiova.
Ena totogitaki o Setani kei ira na timoni.
O ira era vakarorogo vua na Kalou era na bula ena vuravura vou era na tiko kina na yalododonu, era na sega ni leqataka e dua na ka, era na veinuitaki ra qai veilomani.