iTukutuku Vei Kemuni na Lewe ni Soqo

DAUVEIVUKE Era lesi na dauveivuke mera vukei kemuni. Yalovinaka moni tokoni ira ena nomuni muria nodra veidusimaki ena vanua me kele kina na motoka, veitosoyaki ena vanua ni soqo, maroroi ni idabedabe kei na so tale.

PAPITAISO Sa vakarautaki nodra idabedabe na vakarau papitaiso ena yatu idabedabe e liu ena mata ni buturara, vakavo ke dua na veisau. Mera lai dabe na vakarau papitaiso ena vanua e vakarautaki me baleti ira ni bera ni tekivu na vunau ni papitaiso ena mataka ni Vakarauwai. Mera dui kauta mai nodra itauelu kei na isulu rakorako ni papitaiso.

CAU E dua na ilavo levu e saumi me vakarautaki kina na vanua ni soqo, na misini ni vosa kei na vidio, kei na levu tale na tabana ni veiqaravi meda marautaka kina na soqo, me rawa tale ga nida toro voleka vei Jiova. E saumi qo mai na nomuni cau, e tokoni tale ga kina na cakacaka e vuravura raraba. Sa ra vakatakilakilataki tu na kato ni cau qai tu vakarawarawa ena vanua ni soqo. O rawa ni o cau ena internet ni o rai ena donate.jw.org. E marautaki na cau kece. E vakavinavinakataka na iLawalawa Dauvakatulewa na nomuni dau tokona na veika e baleta na Matanitu ni Kalou.

VEIQARAVI TAUMADA Me nanumi, qo e baleta wale ga na leqa tubukoso.

TABANA NI IYAYA E YALI Me kau mai ena tabana qo na iyaya kece e kune. Ke yali e dua na nomuni iyaya, moni lai taro ena tabana qo. Na gone era yali mera kau mai ena tabana qo. Ia me kua ni nanumi ni qo e vanua ni meimei. Yalovinaka moni raici ira vinaka na luvemuni ena veigauna kece.

IDABEDABE Yalovinaka moni dauveinanumi. Moni maroroya ga na idabedabe me baleti ira oni vodo vata mai, lewe ni nomuni vuvale kei ira nomuni vuli iVolatabu. Yalovinaka moni kua ni taqara na iyaya ena idabedabe e sega ni maroroi.

TABANA NI BOLE CAKACAKA Ke oni via veivuke ena veika e baleta na soqo, sa kerei moni gole yani ena tabana qo.