Ra iTabagone

O na Vorata Vakacava na Veitemaki?

JOSEFA​—WASE 1

iVakamacala: Cakava na vuli qo ena dua na vanua vakanomodi. Ni o wilika na veitikinivolatabu, tovolea mo biuti iko sara ga ena ituvaki o wilika tiko, raitayaloyalotaka, rogoca na vosa e tau, saga tale ga mo vakila na ivakarau ni yalodra era talanoataki kina, me vaka sara ga ni yaco tiko.

iTalanoa me baleti: Josefa, wati Potifa

iVakamacala lekaleka: Vorata o Josefa na veitemaki me veiyacovi kei wati Potifa.

1 VAKASAMATAKA NA KA E YACO.—WILIKA VAKATEKIVU 39:1-12.

Vakamacalataka na ka o raitayaloyalotaka me baleta na vakaitamera kei na totoka ni vale i Potifa.

․․․․․

Na cava o raitayaloyalotaka me baleta na irairai kei Josefa? (iDusidusi: Wilika tale na tikina e 6.)

․․․․․

Na ivakarau ni yalo cava e vakilai ena rorogo ni domoi Josefa ni vosa vei wati Potifa ena tikina e 8 kei na  9?

․․․․․

2 VAKADIDIKE.

Na cava e rawa ni vakadredretaka na nona vorata na veitemaki o Josefa? (iDusidusi: Wilika na Filipai 2:12 qai vakasamataka na ituvaki e tu kina o Josefa. Kena ivakaraitaki, ratou tu e vei ena gauna oya na nona vuvale vaka kina o ira era sokaloutaki Jiova vata?)

․․․․․

Na cava e nanuma kina o Josefa ni na cala vua na Kalou ke veibutakoci, ni se sega ni dua na lawa ni Kalou ena gauna oya me baleta na veibutakoci? (iDusidusi: Wilika qai vakasamataka na tikinivolatabu qo: Vakatekivu 2:24; 12:17, 18; Roma 2:14, 15; kei na Iperiu 5:14.)

․․․․․

3 BULATAKA NA KA O VULICA. VOLA NA KA O VULICA ME BALETA NA  . . .

Sala erau lakolakovata kina na lewa matau kei na veidokai.

․․․․․

Yaga ni talairawarawa ena ivakatagedegede savasava i Jiova.

․․․․․

Bibi ni nomu vakavulica na nomu “vakasama.” (Iperiu 5:14)

․․․․․

SO TALE NA KA E VULICI.

Na ituvaki cava ena gadrevi kina mo vakatulewa totolo mo rawa ni vorata na veitemaki mo veiyacovi? (iDusidusi: Wilika qai vakasamataka na Jope 31:1; Same 119:37; Efeso 5:3, 4.)

․․․․․

4 TIKINA CAVA ENA ITALANOA QO E YAGA VEI IKO, CAVA NA VUNA?

․․․․․

Ke sega ni dua na nomu iVolatabu, kerei ira na iVakadinadina i Jiova, se wilika ena web site www.watchtower.org