Ra iTabagone

Qarauna na Vaqara Rogo!

iVakamacala: Cakava na vuli qo ena dua na vanua vakanomodi. Ni o wilika na veitikinivolatabu, tovolea mo biuti iko sara ga ena ituvaki o wilika tiko, raitayaloyalotaka, rogoca na vosa e tau, saga tale ga mo vakila na ivakarau ni yalodra era talanoataki kina, me vaka sara ga e yaco dina tiko.

iTalanoa me baleti: Tevita, Apisalomi, Joapi

iVakamacala lekaleka: E saga o Apisalomi me kovea na veiliutaki vakatui i tamana.

1 VAKASAMATAKA NA KA E YACO.​—WILIKA 2 SAMUELA 14:25-33; 15:1-17; 18:9-17, 30-33.

Vakamacalataka na ka o nanuma me baleta na irairai kei Apisalomi. (Wilika tale na 2 Samuela 14:25, 26.)

․․․․․

Na cava o nanuma me baleta na ivakarau ni rai kei na irorogo ni domoi Apisalomi ena nona saga me vakamuai ira na lewenivanua, nira gole vua na tui me lai rogoca na nodra kisi ni veilewai? (Wilika tale na 2 Samuela 15:2-6.)

․․․․․

Na cava o rawa ni tukuna me baleta na itovo i Apisalomi ena 2 Samuela 14:28-30?

․․․․․

2 VAKADIDIKE.

Na cava a cakava o Apisalomi ena nona saga me kovea na itutu vakatui? (iDusidusi: Wilika 2 Samuela 13:28, 29. O Aminoni e luvei Tevita ulumatua, ena taura na itutu ni veiliutaki tarava.) ․․․․․

A saga o Apisalomi me rogo, me vakalagilagi tale ga, ia na cava e kilai me baleti koya mai na ivalavala a buluti kina? (Wilika tale na 2 Samuela 18:17.)

․․․․․

Na cava o nanuma ni a rairai vakavuna na nona via vaqara rogo o Apisalomi? (Vakatauvatana, wilika na ka e baleti Tiotirifi ena 3 Joni 9, 10.)

․․․․․

E tarai Tevita vakacava na veika e cakava o Apisalomi? (iDusidusi: Wilika na ika3 ni Same, na ka e vola o Tevita ena gauna a vakaduduile kina o Apisalomi.)

․․․․․

3 BULATAKA NA KA O VULICA. VOLA NA KA O VULICA ME BALETA . . .

Na rerevaki ni kena bucini na yalo ni vaqara rogo.

․․․․․

Na ka e cakava e dua ena vakararawataki ira eso tale, wili kina na nona itubutubu.

․․․․․

SO TALE NA KA O RAWA NI VULICA.

Na sala cava o rawa ni coriti kina ena yalo ni vaqara rogo?

․․․․․

Na cava mo cakava mo kua ni bucina kina na yalo ni vaqara rogo?

․․․․․

4 TIKINA CAVA ENA ITALANOA QO E YAGA VEI IKO, CAVA NA VUNA?

․․․․․

Vakatutu: Raitayaloyalotaka mada ni veisau na ka a yaco ena itinitini ni italanoa qo. Na cava a rawa ni yaco vei Apisalomi ke a yalomalumalumu mai na nona via rogo?​—Vosa Vakaibalebale 18:12.

Raica www.pr2711.com

Wilika na iVolatabu ena Internet

Mo kopitaka na ulutaga qo

[iYaloyalo ena tabana e 31]