Na Cava Eda Masu Kina?

O masu e veisiga? Qori na ka era dau cakava e levu, okati kina eso era sega ni vakabauta na Kalou. Ia na cava na inaki ni nodra masu? E laurai ena dua na vakadidike a vakayacori e Varanise, ni veimama na lewenivanua e kea era masu se ra vakasama vakatitobu ena so na gauna mera “vakacegui kina.” Me vakataki ira e levu mai Urope, e sega ni lomadra dina mera masu vua na Kalou, era vinakata ga mera “vakacegui.” Ena yasana adua, eso era masuta ga na Kalou nira vinakata e dua na ka ra qai namaka me saumi ena gauna vata oya na nodra kerekere.—Aisea 26:16.

Vakacava o iko? O nanuma ni masu ena vakaceguya nomu vakasama? Ke o vakabauta na Kalou, o bau vakila na yaga ni masu ena nomu bula? Se o nanuma ni sega ni dau saumi na nomu masu? E rawa ni dusimaki iko na iVolatabu mo raica na masu me sala bibi o rawa ni volekata kina na Kalou, sega ni sala ga mo vakacegui kina.