Cava e Kaya na iVolatabu?

E rawa ni vukei iko na iVolatabu mo valuta na lomaocaoca?

Cava o na kaya?

• Io

• Sega

• De dua

Ka e kaya na iVolatabu

“Biuta vua [na Kalou] na nomuni lomaocaoca kece, ni kauaitaki kemuni o koya.” (1 Pita 5:7) E vakadeitaka na iVolatabu ni rawa ni vakacegui iko na Kalou ni o lomaocaoca.

So tale na ka eda vulica ena iVolatabu

• O rawa ni kerea ena masu “na vakacegu ni Kalou,” ena vakaseavutaka na lomaocaoca.—Filipai 4:6, 7.

• Ena vukei iko tale ga na wili iVolatabu mo valuta na lomaocaoca.—Maciu 11:28-30.

Ena oti dina ena dua na gauna na lomaocaoca?

Era vakabauta eso . . . ni tiki ni noda bula na tamata na lomaocaoca kei na nuiqawaqawa. Eso tale era vakabauta ni na qai oti ga na lomaocaoca ni sa lai bula e dua ena vuravura ni yalo. Cava o nanuma?

Ka e kaya na iVolatabu

Ena vakaotia na Kalou na veika e dau vakavuna na lomaocaoca. “Sa na sega tale na mate, na lolosi, na tagiyaso, kei na mosi.”​—Vakatakila 21:4.

So tale na ka eda vulica ena iVolatabu

• Ena vakilai na vakacegu ena veiliutaki ni Matanitu ni Kalou.​—Aisea 32:18.

• Ena sega tale ni nanumi na lomaocaoca kei na nuiqawaqawa.​—Aisea 65:17.