Kato ni Taro

◼ O cei me soli vua e dua na ivakatakilakila ni soqo ni tikina?

E vukei keda na noda ivakatakilakila (lapel badge card) ni soqo ni tikina meda kilai ira kina na tacida, me kacivaka tale ga na noda soqo. Ia, me kua ni soli vakaveitalia. Ni kilai kina o koya e dara ni dua e ivakaraitaki vinaka, e lewena tiko e dua vei ira na ivavakoso ni iVakadinadina i Jiova.

E rawa ni volai ena ivakatakilakila na yaca i koya e dara, kei na yaca tale ga ni nona ivavakoso. O koya e dara e dodonu me sa bau dede toka nona lewe ni ivavakoso oya. E dau vakauta na iSoqosoqo ina ivavakoso yadua na ivakatakilakila. Sa donu vinaka na kena soli vei ira yadua na dautukutuku papitaiso, vaka kina vei ira na dautukutuku bera ni papitaiso. E rawa tale ga ni soli vei ira na gone kei na so era dau tiko vakawasoma ena soqoni ni ivavakoso era sa kakavaka tiko mera vakaitavi ena cakacaka vakaitalatala. Sa macala ga ni na sega ni soli na ivakatakilakila ni soqo ni tikina vua e dua e vakasivoi.

Ni yaco mai na gauna me soli kina na ivakatakilakila, mera raica na qase me muri na tikina e so sa veivosakitaki oti oqo me baleta na kena veisoliyaki.