Eda Vuli Kece Vei Noa​—A Daulako Vata kei na Kalou

Eda kerei meda wilika tale mada na Vakatekivu 6:1 ina 9:​19. Ni oti oya da qai sarava na vidio na Noah, meda raica se da na sauma vakacava na veitaro oqo: (1) A vakacava tu na ivakarau ni bula ena gauna i Noa, e lai yaco vakacava oya? (2) Na cava a duatani sara ga kina o Noa, na cakacaka cava a vakacolati koya kina na Kalou, na cava e vuna? (3) E vei na vanua a rairai ta kina na waqa, a vakacava na dede ni kena ta tiko, kei na kena levu? (4) Me ikuri ni nodratou taya na waqa o Noa kei na nona vuvale, na cava tale a dodonu me ratou cakava? (5) Ena nomu rai, a vakacava beka na bula ena loma ni waqa ni sa sogo na kena katuba? (6) Ke dua o iko a bula ena Waluvu, ena tarai iko vakacava? (7) Na cava e dau laurai ena so na gauna me ivakananumi ni Waluvu, na cava na kena ibalebale? (8) E veivuke vakacava na itukutuku i Noa ena iVolatabu ena nomu dikevi iko, na nomu vuvale kei na sala o raica kina na cakacaka e lesia tu vei keda na Kalou? (9) Ni o sotavi Noa kei iratou na nona vuvale ena Parataisi, na taro cava soti o na via tarogi iratou kina? (10) Ni o sa sarava oti oqo na vidio na Noah, o na vakaraitaka tale beka vei cei?