Ka Mo Kaya me Baleta na iVoladraudrau

NA VALE NI VAKATAWA 15 Me

“Oni bau dau lomatarotarotaka tu beka se na tarai koya na Kalou na ka eda cakava tu oqo na tamata e vuravura? [Waraka me sauma.] Ia, raica mada na sala ena tarai koya kina na Kalou na ka eda cakava. [Wilika na Vosa Vakaibalebale 27:11.] E koto ena ilavelave oqo na nodra ivakaraitaki e so era vakamarautaka na Kalou, e vakamacalataki tale ga kina na sala meda cakava vaka kina.”

Yadra! Epe.-June

“E levu eda taroga era kaya nira vakabauta na Kalou. E so tale era qarava e levu na kalou. Cava beka nomuni nanuma, e tiko na yacana se veiganiti meda kacivi koya ga ena “Kalou”? [Waraka me sauma.] E volai tu ena iVolatabu na yaca i koya na Kalou Cecere Sara, na Dauveibuli, e bulia na lomalagi kei na vuravura. [Wilika na Same 83:​18.] E vakamacalataki tu ena ilavelave oqo na nodra sasaga na daukaulotu ni gauna makawa ena Pasifika mera vakadewataka na yacana, me rawa nida kilai koya kina.”

NA VALE NI VAKATAWA 1 June

“Era nanuma e so ni sega ni gadrevi e dua na isoqosoqo lotu meda qaravi koya kina na Kalou. Oni dau lomatarotarotaka tu beka na ka oqori? [Waraka me sauma.] E vakamacalataki tu ena ilavelave oqo na nona dau veitaratara na Kalou kei ira na tamata ena gauna makawa. E vakamacalataki tale ga kina na ibalebale ni noda qaravi koya dina na Kalou.” Wilika na Joni 4:​24.