Ka Mo Kaya me Baleta na iVoladraudrau

Na Vale ni Vakatawa 15 Fep.

“So na gauna eda dau rogoca ni yaco na cakamana. [Tukuna e dua na kena ivakaraitaki.] E so era vakabauta na itukutuku vaka oqori. Ia, e so tale era vakatitiqataka. Na ivoladraudrau oqo e vakamacalataka se ra yaco dina se sega na cakamana e volatukutukutaki tu ena iVolatabu, e vakamacalataka tale ga se yaco tiko nikua na veika oqori se sega.” Wilika na Jeremaia 32:⁠21.

Yadra! Jan.-Maji

“E dau leqataki ena levu na vanua na kena sa vakawaleni na itavi ni ulunivuvale ena matavuvale. E levu gona era lomatarotarotaka na nodra itavi na ulunivuvale nira sa rui dau moku vakalevu na watidra. [Waraka me vosa mai.] E vakamacalataki ena ulutaga oqo ni dodonu mera dauloloma na ulunivuvale, kei na rai ni iVolatabu me baleta na ibalebale dina ni ulunivuvale.” Wilika na 1 Korinica 11:⁠3.

Na Vale ni Vakatawa 1 Maji

“Cava beka oni nanuma, ena vinaka o vuravura ke da muria kece na ivakasala oqo? [Wilika sara na Roma 12:​17, 18, qai waraka me sauma.] E ka ni rarawa nida dau veileqaleqati ena so na gauna. E vakamacalataki ena ivoladraudrau oqo na ivakasala vakaivolatabu meda muria meda walia kina na noda veileqaleqati, da qai veiyaloni.”