Ka Mo Kaya me Baleta na iVoladraudrau

Na Vale ni Vakatawa 15 Julai

“Ena loma ni vica na udolu na yabaki e bula tiko kina e vuravura, sa bucina na tamata e levu sara na ivakavuvuli. Oni vakabauta ni rawa meda kila se e vei vei ira na ivakavuvuli oqo e dina kei na kena e lasu? [Waraka me sauma.] E vakaraitaka na ivoladraudrau oqo na vanua eda na kunea kina na ivakavuvuli e vakadonuya na Kalou.” Wilika na 2 Timoci 3:​16.

Yadra! Jul.-Sep.

“E rawa vakacava mera vakavulici ira vinaka na luvedra na itubutubu? Na cava oni nanuma? [Waraka me sauma. Qai wilika na Efeso 6:⁠4.] E vakaraitaka na ivoladraudrau oqo nira vakayagataka na ivakasala mai na iVolatabu na itubutubu, ena yaga vei ira na luvedra ra qai veirogorogoci vinaka tale ga.”

Na Vale ni Vakatawa 1 Oks.

“E levu ena gauna oqo era nanuma ni tawayaga na nodra bula. Na cava oni nanuma ena rawa ni vukei ira? [Waraka me sauma.] Ena vakamacalataka na ivoladraudrau oqo na kena vukei ira na iVolatabu mera marau.” Vakabibitaka na veitikinivolatabu era volai ena matanivola kata era kala tiko ena ulutaga “E Rawa ni Vukei Keda na iVolatabu Meda Marau.”