Ka Mo Kaya me Baleta na iVoladraudrau

Na Vale ni Vakatawa 15 Oks.

“Ni dua e mate, era dau taroga e levu se cava e dau yacovi ira na mate. Cava beka nomuni nanuma, e rawa nida kila na veika me baleta na mate? [Waraka me sauma.] Na ivoladraudrau oqo e vakamacalataka na ka e tukuna na iVolatabu me baleta na kedra ituvaki na mate. E vakamacalataka tale ga na ka e yalataka tu na Kalou me baleta na nodra vakaturi na wekada lomani era sa mate.” Wilika na Joni 5:​28,29.

Yadra! Jul.-Sep.

“Oni na sauma beka vakacava na taro oqo? [Wilika na taro ena waqana e liu. Waraka me sauma.] Sa dua na ka na totolo ni kena sa kawaboko tiko na noda iyaubula. Ia rogoca mada na vosa ni veivakadeitaki oqo. [Wilika na Same 104:⁠5.] E vakamacalataki ena ilavelave ni Yadra! oqo na sala ena bulabula tale kina na noda vuravura.”

Na Vale ni Vakatawa 1 Sep.

“Ena vuravura nikua, na dau dina e dua na itovo e dau vakacaucautaki vakalevu ia e le lailai ga era dau dina. Sega li ni marautaki ke noda itokani e dua e vaka e vakamacalataki tiko ena tikinivolatabu oqo? [Wilika na Vosa Vakaibalebale 17:17. Waraka me sauma.] Na ivoladraudrau oqo e vakamacalataka na yaga ni noda dau dina ena vuvale vaka kina vei ira na noda itokani.”