Ka Mo Kaya me Baleta na iVoladraudrau

Na Vale ni Vakatawa 15 Maji

“E levu vei keda e vakila na mosimosi ni nodra takali na wekada lomani. Cava nomu nanuma, e veivakacegui beka na parofisai oqo? [Wilika na Cakacaka 24:15. Waraka me sauma.] E levu era lomatarotarotaka se o cei ena vakaturi? Ena yaco e naica? Ena vakayacori e vei? Na ivoladraudrau oqo e sauma sara ga vakaivolatabu na taro oqo.”

Yadra! Jan.-Maji

“O bau dau vaqaqa tu beka se na vakacava na vuravura ena 20 se 30 na yabaki mai oqo? [Waraka me sauma. Wilika na Same 119:105.] E vaka na cina na iVolatabu ni vakararamataka na noda sala meda kila kina na veika e tu mai liu. E vakamacalataki ena ivoladraudrau oqo na parofisai e vakaraitaka na gauna eda sa bula tu kina nikua, kei na ka meda namaka ena gauna vinaka sa tu oqo e liu.”

Na Vale ni Vakatawa 1 Epe.

“Oqo e dua na matavosa kilailevu e vakaraitaka na bibi ni noda kilai koya na Kalou. [Wilika sara na Maciu 4:⁠4.] Ia e ka ni bolebole vei ira e levu mera kila vinaka na Vosa ni Kalou. O bau vakila tale ga oqori? [Waraka me sauma.] E koto ena ivoladraudrau oqo e so na vakatutu e rawa ni vukei keda meda kila vinaka na iVolatabu.”