Ka Mo Kaya me Baleta na iVoladraudrau

Na Vale ni Vakatawa 15 Epe.

“Sa vaka e ka ni veisiga na veivakalolomataki e yaco tu nikua. [Tukuna e dua na ivakaraitaki e yaco ena yalava, se dua mai na ivoladraudrau oqo.] O bau lomatarotarotaka tu se cava era dau veivakalolomataki kina e so? [Waraka me sauma.] E sa tukuna tu mai na iVolatabu ni na levu sara na veivakalolomataki. [Wilika na 2 Timoci 3:​1-5.] Na ivoladraudrau oqo e sauma vinaka na taro, ‘Ena oti beka na veivakalolomataki?’ ”

Yadra! Epe.-June

“Cava beka e so na ka dredre era sotava tu na itabagone nikua? [Waraka me sauma.] E tukuni ena tikinivolatabu oqo e dua vei ira na ka dredre oqori​​—⁠na ilala. [Wilika na Vosa Vakaibalebale 13:20.] E vakamacalataki ena ivoladraudrau oqo na rerevaki ni vakayagataki ni Internet me kunei kina na itokani se ilala, kei na ka mera cakava na itabagone mera taqomaki kina.”

Na Vale ni Vakatawa 1 Me

“Na nodra mate na gone e dau tarai ira sara vakalevu na itubutubu. E vei na vanua era na vakacegui kina? [Waraka me sauma. Wilika na Roma 15:⁠5.] E vakamacalataki ena ivoladraudrau oqo e so na sala e dau vakacegui ira kina na lomararawa na Kalou.”