Ka mo Kaya me Baleta na Mekesini

Na Vale ni Vakatawa 1 Okosita

“Na cava o nanuma eda gadreva meda marau kina? [Waraka me sauma. Wilika Maciu 5:3.] Qo e dua wale ga na ka e tukuna o Jisu me baleta na marau. E vakamacalataki ena ulutaga qo na ka eda vulica vei Jisu ena sala meda rawata kina na marau dina.” Vakamacala ena ulutaga e tekivu ena tabana e 16.

Na Vale ni Vakatawa 1 Seviteba

Tukuna e dua na ka e kacivaki se tabaki era kauai kina na tiko ena yalava. Oti, taroga sara: “O bau vakasamataka se cava e caka tu kina na veika ca? [Waraka me sauma.] E yalataki ena iVolatabu na noda inuinui. [Wilika 2 Pita 3:13.] Na mekesini qo e vakamacalataka na ka e tukuna na iVolatabu ni vakavuna tiko na veika ca, kei na sala ena vakarau muduka kina na Kalou na veika ca.”

Yadra! Julai-Seviteba

“Era dau lavaka na lotu me saumi na papitaiso, na vakamau kei na veibulu. O nanuma ni donu oya? [Waraka me sauma.] Rogoca mada na ivakasala i Jisu vei ratou na nona tisaipeli. [Wilika Maciu 10:7, 8b.] E vakamacalataki ena ulutaga qo na ka e kaya na iVolatabu me baleta na kena saumi na veiqaravi vakalotu.” Vakamacala ena ulutaga e tekivu ena tabana e 22.