Ka mo Kaya me Baleta na Mekesini

Na Vale ni Vakatawa 1 Seviteba

“Eso era cakava na ka e ca ni vakacalai ira na nodra lomakatakataka na nodra vakabauta. Na cava mada o nanuma ni vakavuna na nodra vakacalai? [Waraka me sauma.] Daru raica mada na ka e kaya na iVolatabu. [Wilika 1 Joni 4:⁠1.] Na ulutaga qo e vakamacalataka na vuna e bibi kina mo dikeva vata na ka o vakabauta kei na ka e tukuna na iVolatabu.” Vakamacalataka na ulutaga ena tabana e 10.

Yadra! Julai-Seviteba

“O bau kila ni a tukuna tu o Jisu ni na tatara na matetaka ena veivanua ena iotioti ni veisiga? [Waraka me sauma.] E yalataka na iVolatabu ni sa voleka na gauna me vakaotia kina o Jisu na mate kece ga. Nida se waraka tiko me yaco qori e dodonu meda dui saga ena noda vinaka kece meda taqomaki keda kei na noda vuvale.” Vakamacalataka na ulutaga ena tabana e 27.

Na Vale ni Vakatawa 1 Okotova

“Era dau masu na lewenivanua era duidui lotu e veiyasai vuravura. Na cava o nanuma, e rogoca dina na Kalou na noda masu? [Waraka me sauma.] E uqeti keda na iVolatabu meda dau masu. [Wilika Filipai 4:​6, 7.] E vakamacalataki ena mekesini qo na isau vakaivolatabu ni vitu na taro e dau tarogi me baleta na masu.”

Yadra! Okotova-Tiseba

“Eda dau rogoca vakalevu na nodra sega ni daudina na veiwatini, na daunipolitiki kei ira eso tale. Na cava o nanuma, e rawa nida kunea e dua e nuitaki? [Waraka me sauma.] Era nanuma e levu ni sa yaco tiko na parofisai qo. [Wilika 2 Timoci 3:​1-5.] E vakamacalataki ena mekesini qo, ni se rawa ga nida kunei ira era nuitaki.”