Ka mo Kaya me Baleta na Mekesini

Na Vale ni Vakatawa 1 Okotova

“Levu era lomatarotarotaka tu se kauaitaka na Kalou na noda nuiqawaqawa kei na noda rarawa. Na cava mada nomuni nanuma? [Waraka me sauma. Wilika sara na Same 34:18.] E vakamacalataka na ulutaga ena tabana e 19 na sala e vukei keda kina na Kalou meda valuta na yalolailai e dau vu mai na levu ni noda rarawa, noda beitaki keda ga, kei na noda nanuma ni sega na keda yaga.”

Na Vale ni Vakatawa 1 Noveba

“Eda vinakata kece meda dau lomavakacegu. O nanuma ena vakacegui keda na ilavo? [Waraka me sauma.] A vulica e dua na dauvolaivolatabu me lomavakacegu ni lailai na ka e tu vua. [Wilika Filipai 4:​11, 12.] Na mekesini qo e vakamacalataka e lima na sala vakaivolatabu eda na rawata kina na lomavakacegu.”

Yadra! Okotova-Tiseba

“Na cava oni nanuma ena sala ni veivosaki era sa tu nikua me vaka na mobail, e-mail, chat room kei na so tale na sala ni veivosaki, ena valuta na galili se ra na vakaleqa ga vakalevu? [Waraka me sauma.] Qo e dua na vakatutu ena vukei keda meda kua kina ni galili. [Wilika Cakacaka 20:35.] E tiko ena mekesini qo eso tale na ivakasala yaga mai na iVolatabu.” Vakamacalataka na ulutaga ena tabana e 12.