Na iVolatabu—Donu na Kena iTukutuku, Nuitaki na Kena Parofisai
Na cava eso na ivakadinadina e vakaraitaka ni donu na itukutuku makawa era tu ena iVolatabu? Na parofisai cava ena iVolatabu e sa vakayacori oti e vakadeitaka vei keda ni na yaco tale ga na veika e parofisaitaki tu me baleta na gauna se bera mai? O na kila na isaunitaro qo ni o sarava na vidio The Bible—Accurate History, Reliable Prophecy, qo na ikatolu ni iyaloyalo ena DVD The Bible—A Book of Fact and Prophecy. Ni o sarava oti na vidio, o rawa ni sauma na taro qo?
(1) O cei e vakavuna na itukutuku nuitaki ena iVolatabu? (Tani. 2:28) (2) Na cava eso na itukutuku dina me baleti Ijipita makawa e vakamacalataka na iVolatabu? E dina vakacava na parofisai ena Aisea 19:3, 4? (3) E vakadeitaka vakacava na vakekeli na ivakamacala ena iVolatabu me baleti ira na kai Asiria, nodra tui, kei na vakarusai ni matanitu o Asiria? (Neumi 3:1, 7, 13) (4) Na parofisai cava me baleti Papiloni sa vakadinadinataki ni a yaco? (Jere. 20:4; 50:38; 51:30) (5) Na parofisai cava me baleti Mitia kei Perisia a yaco dina? (Aisea 44:28) (6) A vakayacori vakacava vei Kirisi na Taniela 7:6 kei na 8:5, 8? (7) A vakayacori vakacava na Taniela 7:7 ni sa matanitu qaqa e vuravura o Roma? (8) O cei o ratou na Sisa e cavuti ena iVolatabu? (9) Na cava era sotava na lotu vaKarisito ena veiliutaki i Niro? (10) A vakayacori vakacava na parofisai ena Vakatakila 13:11 kei na 17:10? (11) Ena kilai vakacava na ikawalu ni tui? (12) Na tikina cava ena iyaloyalo qo e vakadeitaka ni dina na Dauvunau 8:9? (13) Na parofisai cava me baleta na gauna se bera mai o namaka tiko me na vakayacori? (14) O na vakayagataka vakacava na vidio qo mo vakadeitaka vei ira na so ni vu vakalou na iVolatabu?