Ka mo Kaya me Baleta na Mekesini

Na Vale ni Vakatawa 1 Janueri

Wilika na Vakatekivu 2:​16, 17. Qai kaya: “Eso era tukuna ni sa kila tu vakailiu na Kalou ni na valavala ca o Atama. So tale era nanuma ni veidabui ke veivakaroti ena ivalavala sa kila rawa tu ni na tini ena leqa. Na cava mada nomuni nanuma? [Waraka me sauma.] Na ulutaga qo e tekivu ena tabana e 13 e vakamacalataka na sala e vakayagataka kina na Kalou na ka e kila me baleta na gauna se bera mai.”

Yadra! Janueri-Maji

Vakaraitaka na waqa ni mekesini eliu qai taroga, “Na cava mada nomuni nanuma me baleta na taro qo? [Waraka me sauma.] E uqeti keda na iVolatabu meda dau veiyaloni. [Wilika Jemesa 3:​17.] Ke dina qo, na cava e sega ni vakaduavatataki keda kina o lotu? E rawa dina vei lotu me uqeta na duavata? Na isaunitaro qori e vakamacalataki ena mekesini qo.”

Na Vale ni Vakatawa 1 Feperueri

“E takalevu nikua na veisere. Na cava oni nanuma e dau vakavuna? [Waraka me sauma.] Raica mada na ivakasala qo era sa vakadinadinataka e levu na veiwatini ni yaga. [Wilika 1 Korinica 10:24.] E vakamacalataki ena mekesini qo e ono na ka e dau vakavuna nodra veibeitaki na veiwatini kei na yaga ni kena muri na ivakavuvuli ena iVolatabu.”