Vakatutu

Me Tauyavu Kina na Vuli iVolatabu ena iMatai ni Vakarauwai ena Julai

“Eda vinakata kece meda bula balavu, da qai mamarau. O nanuma ni rawa ni vukei keda na veika vakasaenisi kei na wainimate meda bula tawamudu ena dua na gauna? [Waraka me sauma.] Raica mada na ka e tukuni eke.” Vakaraitaka na ulutaga ena iotioti ni tabana ni Vale ni Vakatawa 1 Julai, qai veivosakitaka na imatai ni parakaravu kei na dua na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Me nanumi: Me vakatasuasuataki tale ga qori ena soqoni ni cakacaka vakavunau ena ika6 ni Julai.

Na Vale ni Vakatawa 1 Julai

“Levu e tiko nodra lotu. Ia eso tale era kaya nira sa sega ni qai via lotu. Vakacava o kemuni? [Waraka me sauma.] E vakaraitaka vei keda o Jisu na sala meda dikeva kina e dua na lotu. [Wilika Luke 6:44a.] E vakamacalataki ena mekesini qo eso na veika ca e cakava o lotu. E saumi tale ga kina na taro, E tiko e dua na lotu o rawa ni nuitaka?”

Yadra! Julai

“E dau vakararawataki keda dina ni yaco na veika tawadodonu. Eso era kudruvaka na veika tawadodonu ena nodra vakaduduile. O nanuma ni yaco na veisau ena nodra vakaduduile eso? [Waraka me sauma.] Raica mada na ka e kaya na iVolatabu se cava ena kauta mai na veisau dina e vuravura. [Wilika Maciu 6:9, 10.] Na mekesini qo ena saumi kina na taro, E iwali ni leqa na vakaduduile?”

iTukutuku Vinaka Mai Vua na Kalou!

“Keimami veivosakitaka tiko mai e dua na itukutuku veivakacegui ena iVolatabu. Era via kila e levu se cava e vakalaiva tiko kina na Kalou dauloloma na veika rarawa e vuravura. O nanuma ni nona inaki taumada na Kalou meda rarawa e vuravura?” Waraka me sauma. Oti gole sara ena Lesoni 5, wilika qai veivosakitaka na imatai ni rua na parakaravu kei na tikinivolatabu era vakalai. Solia na brochure, qai tuvanaka mo lesuvi koya mo drau veivosakitaka na taro tarava ena matanivola kata.