Vakatutu

Eda na Raica e vei na iSau ni Taro Bibi me Baleta na Bula?

Vakaraitaka vei taukeinivale na tikidua me raica na kena ulutaga qai kaya: “Ni bula. Keimami vakaitavi tiko ena dua na cakacaka ena vuravura raraba me vakatetei kina e dua na itukutuku bibi. Qo na nomu.”

Ke o biuta na tikidua ena vale lala, qarauna me kua ni laurai, mo kua tale ga ni rui lobika vakasivia.

Ke tataleitaki o taukeinivale qai gu ni talaucaka mai na lomana, rawa ni o taroga vua na taro ena waqa e liu me tukuna na nona nanuma. Cega sara na tikidua, qai vakaraitaka vua na ka e vakamacalataki ena Same 119:144, 160. Vakamacalataka ni tiko ena tikidua na ivakamacala me baleta na Web site e rawa ni raica kina na isaunitaro bibi eda dau vakataroga me baleta na bula. Kena ivakaraitaki, o rawa ni vakaraitaka vua na vidio Vuna mo Vulica Kina na iVolatabu. Ni o bera ni biubiu, vakaraitaka vua na tolu na taro ena daku ni tikidua, qai taroga na taro cava e via kila na kena isau. Tukuna vua ni o na lesuvi koya mo na vakaraitaka vua na sala ena kunea kina na isau vakaivolatabu ni nona taro ni vakayagataki na jw.org. Ni o lesu, drau veivosakitaka sara na kena isau ena ulutaga BIBLE TEACHINGS > BIBLE QUESTIONS ANSWERED.

Ke o solia tiko na ivola ni veisureti ina soqo vakaiwasewase, solia vata sara ga kei na tikidua qo qai kaya, “Keimami marau tale ga ni solia nomuni ivola ni veisureti ina dua na soqo eda sureti kece kina.”

Na Vale ni Vakatawa 1 Okosita

Qo na ka o rawa ni tukuna ena muanimacawa me soli kina na Vale ni Vakatawa: “Keimami via solia tale ga na ilavelave vou ni mekesini qo. E vakamacalataki ena itabataba ni Vale ni Vakatawa qo na isaunitaro, E kauaitaki iko na Kalou?”

Yadra! Okosita

Qo na ka o rawa ni tukuna ena muanimacawa me soli kina na Yadra!: “Keimami na marau ni solia tale ga vei kemuni na ilavelave vou ni mekesini qo. E vakamacalataki ena itabataba ni Yadra! qo na isaunitaro, Rawati vakacava na veiyaloni?”