Meda Maqosa Tiko ga ena Cakacaka Vakaitalatala​—Vosa Vei Ira Kece ena Yalava

VUNA E BIBI KINA: E parofisaitaka o Sakaraia nira na taleitaka na itukutuku vinaka na duivosavosa. (Sak 8:23) O cei gona me vakavulici ira? (Rom 10:13-15) E noda itavi dokai meda wasea na itukutuku vinaka vei ira kece ena yalava.​—od 84 ¶10-11.

KENA IWALEWALE:

• Vakavakarau. O dau sotavi ira e duatani nodra vosa? O rawa ni vulica eso na vakatutu rawarawa ena porokaramu ni vuli vosa na JW Language. Se vakayagataka nomu talevoni mo vakaraitaka na kena iwalewale me raica na itukutuku ena nona vosa ena jw.org

• Mo dau vakararai se kila na ka e yaco tiko. Ni o vunau e veivale, vakayagataka vinaka na gauna qori. Vosa vei ira na tavali se wawa tiko ena motoka. Ke o vunau e matanalevu se na qiqi, dei ena nomu inaki mo vunau

• Gugumatua. Saga mo vosa vei ira e dau lala nodra vale. Mo vosa ena vale kece, de dua ena duidui siga, duidui tale ga na gauna ena loma ni macawa. E rawa nida vosa vei ira na itaukeinivale ena talevoni, volavola, se vunau ena salatu

• Cakava sara. Mo totolo ni lesuvi ira na tataleitaki. Ke duatani nona vosa, mo qara e dua na tacida matua e vosataka na vosa qori me vukei koya. Mo sikovi koya tiko ga me yacova ni sa gole vua e dua na dautukutuku e vosataka nona vosa. —od 94 ¶39-40

SARAVA NA VIDIO VUNAU ENA “VEIVANUA YAWA SARA KEI VURAVURA,” QAI SAUMA NA TARO QO:

• 

  Na cava eso na ka era cakava na tacida mera vakavakarau kina nira vunau vei ira na tiko ena yalava tu yawa? (1Ko 9:22, 23)

• 

  Na ituvaki dredre cava era vosota?

• 

  Na veivakalougatataki cava era marautaka?

• Na cava o rawa ni cakava mo vunau kina vakalevu vei ira ena nomu yalava?