O Kila na iTovo Tawarairai ni Kalou?

Ni o raica na duiroka ni senikau, na kalokalo ni lomalagi, se na vadugu ni savu, o raica rawa na weniliga i koya na Dauveibuli? E laurai ena veika buli era wavoliti keda na veika tawarairai ni Kalou. (Rom 1:20) Nida vakasamataka na ka eda raica, eda na kila kina na kaukaua ni Kalou, nona loloma, vuku, lewadodonu, kei na nona lomasavu.—Sm 104:24.

Na cava eso na ka e bulia o Jiova o raica e veisiga? Ke o tiko e tauni, de dua o na raica na manumanuvuka se vunikau. Nida raica se dikeva vinaka na ka e bulia o Jiova, eda na sega ni nuiqawaqawa, eda na vakaliuca na veika bibi, eda na nuitaki Jiova tale ga vakalevu me vakarautaka na ka meda bula kina. (Mac 6:25-32) Ke o vakaluveni, vukei ira mera kila na itovo qoroi i Jiova. Nida qoroya na veika buli era wavoliti keda, eda na volekati koya na Dauveibuli.—Sm 8:3, 4.

SARAVA NA VIDIO KILAI NA LAGILAGI NI KALOU ENA VEIKA E BULIA—RARAMA KEI NA ROKA, QAI SAUMA NA TARO QO:

• Rawa vakacava nida raica na roka?

• Na cava e dau vakavuna na veiveisau ni roka?

• Na cava e dau veisau kina na roka ni lomalagi?

• Tukuna e dua na roka totoka ni ibulibuli i Jiova o raica ena yasa ni nomu vale.

• Na cava meda raica se dikeva kina vakavinaka na veika buli?