Tudei ni sa Voleka Sara na iCavacava

VUNA E BIBI KINA: Ena yaco eso na ka veivakurabuitaki me vakatovolei kina noda yaloqaqa kei na noda nuitaki Jiova vakatabakidua. Ena tekivu na veivakararawataki levu ni vakarusai o lotu lasu. (Mac 24:21; Vta 17:16, 17) Ena gauna dredre qori eda na rairai vakasavuya tiko e dua na itukutuku ni veilewai. (Vta 16:21) Ena saga o Koki mai Mekoki me ravuti keda. (Isi 38:10-12, 14-16) Me taqomaki ira nona tamata o Jiova ena qai vakaraitaka kina “na ivalu ni siga levu ni Kalou Kaukaua Duadua.” (Vta 16:14, 16) Meda rawa ni yaloqaqa ena veigauna sa bera mai e vinakati meda tudei tiko ena gauna qo ni vakatovolei na noda vakabauta.

KA MO CAKAVA:

• Yaloqaqa ni tutaka na ivakatagedegede savasava i Jiova.—Ais 5:20

• Dau sosoqoni kei ira na itokani lotu vaKarisito.—Ipe 10:24, 25

• Talairawarawa ena veidusimaki ni isoqosoqo i Jiova.—Ipe 13:17

• Vakasamataka vakatitobu nona dau vakabulai ira nona tamata ena gauna sa oti o Jiova.—2Pi 2:9

• Masu vei Jiova, nuitaki koya.—Sm 112:7, 8

SARAVA NA VIDIO BIBI NA YALOQAQA ENA KA E VAKARAU YACO—VIDIO LEKALEKA, QAI SAUMA NA TARO QO:

• 

  E vakatovolei vakacava na nodra talairawarawa na dautukutuku ni cokovata na nodra ivavakoso kei na so tale na ivavakoso?

• 

  Eda yaloqaqa vakacava nida talairawarawa?

• 

  Na cava e vinakati kina na yaloqaqa ena Amaketoni?

• 

  Na ivakaraitaki vakaivolatabu cava ena vaqaqacotaka noda vakabauta ni na vakabulai keda o Jiova?—2Ve 20:1-24