Veivakadodonutaki—iVakaraitaki ni Loloma i Jiova

Na veivakadodonutaki e vauci tiko kina na veivakasalataki kei na vuli, ia e okati tale ga kina na veivakavulici kei na veivunauci. E vakadodonutaki keda o Jiova meda rawa ni qaravi koya kina ena sala e vakadonuya. (Rom 12:1; Ipe 12:10, 11) Ena so na gauna e mosimosi na veivakadodonutaki, ia ena rawati kina na ivalavala dodonu kei na veivakalougatataki. (Vvb 10:7) Na cava mera nanuma tiko o ira na veivakadodonutaki kei ira na vakadodonutaki?

O koya e veivakadodonutaki. Era saga na qase, itubutubu, kei na so tale mera vakatotomuri Jiova ni dau veivakadodonutaki ena yalovinaka kei na loloma. (Jr 46:28) Na veivunauci mada ga me veiganiti kei na ituvaki, me yavutaki tiko ga ena loloma.—Tto 1:13.

O koya e vakadodonutaki. E duidui tu na ivakarau ni veivakadodonutaki, meda kua ni cata meda tovolea ga meda muria totolo. (Vvb 3:11, 12) Ena vinakati ga meda vakadodonutaki me vaka nida sega ni uasivi. E duidui na sala e vakayacori kina qori, de dua eda vakadodonutaki ena ka eda wilika ena iVolatabu, se ka eda rogoca ena soqoni vakaivavakoso. Ena so na gauna eso era vakadodonutaki ena komiti ni veilewai. Noda rogoca na veivakadodonutaki eda na bula kina.—Vvb 10:17.

SARAVA NA VIDIO “O KOYA E LOMANA O JIOVA E VAKAVULICA,” QAI SAUMA NA TARO QO:

• 

  Na cava e yaco ena itekitekivu ni bula i Canon, e veisau vakacava?

• 

  E vakadodonutaki koya vakacava o Jiova?

• 

  Na cava eda vulica kina?