Ka Eda Vulica Vei Samuela

E yalodina tiko ga vei Jiova o Samuela ena nona bula taucoko. Ni se gone, e sega ni muria na ka ca erau cakava tiko na luvei Ilai o Ofinai kei Finiasi. (1Sa 2:22-26) E tubu o Samuela, e tokoni koya tiko ga o Jiova. (1Sa 3:19) E sega ni biuta na sala i Jiova ni sa qase, ia erau sega ni muri koya na luvena.—1Sa 8:1-5.

Na cava eda vulica vei Samuela? Ke o se gone, mo nuidei ni kila tiko o Jiova na ituvaki dredre o sotava kei na lomamu. Ena vukei iko mo yaloqaqa. (Aisea 41:10, 13) Ke o dua na itubutubu e biuti Jiova o luvemu, o na lomavakacegu ni o kila ni o Samuela mada ga e sega ni vakasaurarataki rau na luvena me rau yalodina ena ivakatagedegede i Jiova. E biuta na ituvaki qori vei Jiova, e yalodina tiko ga me vakamarautaki Jiova na Tamana vakalomalagi. De dua na nomu ivakaraitaki vinaka ena uqeti luvemu me lesu vei Jiova.

SARAVA NA VIDIO VULI VEI IRA—SAMUELA, OTI QAI SAUMA NA TARO QO:

• E yaloqaqa vakacava o Samuela ni se gone?

• E yaloqaqa vakacava o Danny?

• E ivakaraitaki vinaka vakacava o Samuela ni sa qase?

• Erau ivakaraitaki vinaka vakacava na itubutubu i Danny?