Vakawati—Ka ni Bula Taucoko

Na vakawati vinaka e rokovi kina o Jiova, rau na marau tale ga kina na veiwatini. (Mar 10:9) Me dei na bula vakawati qai marautaki, e bibi mera muria na lotu vaKarisito na ivakavuvuli vakaivolatabu nira digia na kedra isa.

Mo qai veibuku ga ni o sa “sivia na bula vakaitabagone,” qori na gauna e kaukaua kina na gagadre ni veiyacovi, ena dredre gona mo vakatulewa vakayalomatua. (1Ko 7:36) E vinaka mo vakayagataka nomu gauna vakacauravou se goneyalewa mo vaqaqacotaka nomu veiwekani kei na Kalou, mo vakaraitaka tale ga eso na itovo vaKarisito. Qori ena yaga vakalevu ena bula vakawati vinaka.

Ni bera ni o vakaio vua e dua, saga mo kila vinaka “na tamata e loma.” (1Pi 3:4) Ke o lomalomarua, drau veivosakitaka na tikina qori. Me vaka ga eda dau uqeti kina ena noda veimaliwai, e vinakati tale ga ena vakawati meda solia vakalevu na ka, vakalailai noda taura na ka. (Flp 2:3, 4) Ke o muria na ivakavuvuli vakaivolatabu ni bera nomu vakawati, ena rawarawa ni o cakava qori ni o sa vakawati, o na marautaka tale ga.

SARAVA NA VIDIO VAKAVAKARAU ENA VAKAWATI—WASE 3: “CAKACAKATAKA NA KENA ISAU” QAI SAUMA NA TARO QO:

• E vakacava na itekitekivu ni nodrau veitokani o Save kei na tacida yalewa qo?

• Na cava e raica o goneyalewa ni sa qai kilai koya vinaka?

• Rau vukei koya vakacava na nona itubutubu? Na vakatulewa yaga cava e qai cakava?