Nuidei Mo Vosota na Leqa Vakailavo

E dredre na bula ena iotioti ni veisiga. Sa na qai levu ga na leqa nida volekata yani na icavacava ni ituvaki ca qo. Eso na gauna sa na lailai na ka vakayago meda bula kina. (Apa 3:16-18) Na cava meda cakava meda nuidei kina nida leqa vakailavo? E bibi meda nuitaka tiko ga na noda Kalou o Jiova. E yalataka me karoni ira na nona dauveiqaravi, ena rawa tale ga ni vakarautaka na ka me yaga vei keda ena ituvaki cava ga.—Sm 37:18, 19; Ipe 13:5, 6.

Ka Mo Cakava:

• Kerea na veidusimaki i Jiova, na vuku kei na nona veitokoni.—Sm 62:8

• Yalorawarawa mo cakava na cakacaka o na rairai se bera ni cakava vakadua.—g 1/10 20-21, kato

• Me dua nomu ituvatuva vinaka vakayalo, okati kina nomu wili iVolatabu e veisiga, tiko ena soqoni kece, vakaitavi tale ga ena cakacaka vakaitalatala

SARAVA NA VIDIO ME KUA NI KASURA NA VALE ONI TARA—NI “LOMAVAKACEGU GA ENA KA E SA TIKO VEI KEMUNI” QAI SAUMA NA TARO QO:

• Na ituvaki dredre cava era vakila tiko eso na vuvale?

• Na cava e bibi duadua ena noda bula?

• Eda na vukei ira vakacava era leqa vakailavo?