NODA BULA VAKARISITO
Vukei Keda o Jiova Meda Vosota na iTuvaki Dredre
Ena iotioti ni veisiga qo eda sotava e levu na ituvaki dredre. Ena so na gauna eda vakila ni sa rui tarabi. Ia ke da toro voleka vei Jiova, ena vukei keda meda vosota na veivakatovolei dredre sara mada ga. (Ais 43:2, 4) Eda na toro voleka vakacava vei Jiova ena gauna va qori?
Masu. Nida talaucaka na lomada vei Jiova, e solia vei keda na vakacegu kei na kaukaua meda vosota.—Flp 4:6, 7; 1Ce 5:17.
Soqoni. Sa qai bibi ga ena gauna qo na kakana vakayalo kei na veimaliwai e vakarautaka o Jiova ena noda soqoni. (Ipe 10:24, 25) Eda vakayagataka vinaka na veivuke ni yalo tabu nida vakavakarau ena soqoni ni ivavakoso, tiko kina kei na noda saumitaro.—Vta 2:29.
Cakacaka vakaitalatala. Ena rawarawa meda cakava na veika vinaka ke da gumatua tiko ga ena cakacaka vakaitalatala. Eda na veivolekati tale ga kei Jiova kei ira na mataveitacini.—1Ko 3:5-10.
SARAVA NA VIDIO ENA TOKONI IKO O JIOVA, OTI SAUMA NA TARO QO:
Na cava e vukei Malu me volekati Jiova tiko ga ena gauna e vakatovolei kina?
Me vakataki Malu, ena vakacegui keda vakacava na Same 34:18 nida sotava na ituvaki dredre?
E laurai vakacava ena ka e sotava o Malu ni solia o Jiova na “kaukaua e uasivia na kaukaua ni tamata” nida sotava na ituvaki dredre?—2Ko 4:7