Me Tiko Nomu iSausau ena Vula ni iVakananumi

E veiyabaki eda rai vakanamata na tamata i Jiova meda soqo vata ena iVakananumi. Ni vo e vica na macawa ni bera na iVakananumi vaka kina ni sa oti, e levu na gauna veiganiti e rawa kina nida vakacaucautaki Jiova meda vakavinavinakataki koya ena vuku ni ivoli. (Efe 1:​3, 7) Kena ivakaraitaki, eda gumatua ni sureta eso tale mera tiko ena iVakananumi. Eso era veisautaka nodra ituvatuva mera painia veivuke nira rawata e 30 se 50 na aua ena vula o Maji se Epereli. Vakacava o rawa ni vakalevutaka nomu cakacaka vakaitalatala ena iVakananumi ena yabaki qo? O na cakava vakacava?

Eda na rawata e levu na ka nida tuvatuvanaki vinaka. (Vvb 21:⁠5) Ni sa voleka tiko mai na iVakananumi, qo na gauna meda tuvatuvanaki kina. Vakasamataka na sala o via vakarabailevutaka kina nomu cakacaka vakaitalatala ena iVakananumi, kei na ka mo cakava mo rawata kina nomu isausau. Mo kerei Jiova tale ga me vakalougatataka nomu sasaga.​—⁠1Jn 5:​14, 15.

O rawa ni vakasamataka eso na sala mo vakarabailevutaka kina nomu cakacaka vakaitalatala ena iVakananumi?