E Rogoca na Kalou na Nomu Masu?
Ni o masu, o vakadeitaka ni rogoci iko na Kalou?
CAVA E KAYA NA IVOLATABU?
E rogoca na Kalou na masu. E vakadeitaka vei keda na iVolatabu ni “voleka o Jiova vei ira kece na kacivi koya, vei ira kece na kacivi koya ena yalodina. . . . E rogoca o koya na nodra tagi ni kere veivuke.”—Same 145:18, 19.
E vinakata na Kalou mo masu vua. E uqeti keda na iVolatabu: “Na ka kece me vakaraitaki vua na Kalou ena masu kei na kerekere salavata kei na vakavinavinaka.”—Filipai 4:6.
E kauaitaki iko vakalevu na Kalou. E kila vinaka tu na Kalou na ka eda vinakata, se na ka eda lomaleqataka, e vinakata me vukei keda. E kaya na iVolatabu: “Moni biuta vua na nomuni lomaocaoca kece, ni kauaitaki kemuni o koya.”—1 Pita 5:7.