Sala Mo Vosota Kina na Veika Tawadodonu

Wilika Vakatekivu 37:23-28; 39:17-23 mo vulica ena ivakaraitaki i Josefa mo vosota na veika tawadodonu.

Vulica eso tale na ka mai na tikina wavolita Na cava e sotava kina o Josefa na veika tawadodonu? (Vkte. 37:3-11; 39:1, 6-10) E vakacava na dede ni nona vosota tiko o Josefa na veika tawadodonu? (Vkte. 37:2; 41:46) Ena gauna qori, na cava e cakava o Jiova ena vuku i Josefa, kei na cava e sega ni cakava?—Vkte. 39:2, 21; w23.01 17 ¶13.

Vakekeli vakatitobu. E sega ni tukuni ena iVolatabu ni saga o Josefa me vakalasuya na veibeitaki nei wati Potifa. Eda na rawa ni kila vakacava ena vica na tikinivolatabu qo na vuna e galu tu ga kina o Josefa, se na vuna meda kua ni namaka kina me vakatakilai na veika matailailai? (Vkai. 20:2; Joni 21:25; Caka. 21:37) Na itovo cava e vakaraitaka ni vosota na veika tawadodonu?—Maika 7:7; Luke 14:11; Jeme. 1:2, 3.

Vakasamataka na ka o vulica. Mo taroga:

• ‘Na veika tawadodonu cava au na sotava niu muri Jisu?’ (Luke 21:12, 16, 17; Iper. 10:33, 34)

• ‘Na cava meu cakava ena gauna qo meu vosota kina na veika tawadodonu?’ (Same 62:7, 8; 105:17-19; w19.07 2-7)