Na Cava Oni Vakatokai Kina Moni iVakadinadina i Jiova?

Me vaka e laurai ena iVolatabu, na yaca ni Kalou o Jiova. (Lako Yani 6:3; Same 83:18) O koya na ivakadinadina ena tukuna e matanalevu na nona rai kei na ka e vakabauta.

Koya gona, na yaca iVakadinadina i Jiova e vakatakilakilataka ni keimami ilawalawa lotu vaKarisito dau tukuna na ka dina me baleti Jiova na Dauveibuli. (Vakatakila 4:11) E laurai qo ena ivakarau ni neimami bula kei na neimami wasea na ka keimami vulica ena iVolatabu.—Aisea 43:10-12; 1 Pita 2:12