Era Matalotu Ribatani Mai Merika na iVakadinadina i Jiova?

E tiko mai Merika na neimami itikotiko liu. Ia keimami sega ni matalotu ribatani ni:

• So era tukuna ni matalotu ribatani e tawase mai na dua na lotu sa tudei. Keimami sega ni tawase mai na dua tale na lotu. Ena neimami rai, keimami vakalesuya mai na ivakarau ni lotu vaKarisito ena imatai ni senitiuri.

• Keimami cakacaka vakavunau tiko ena sivia na 230 na vanua kei na matanitu. Se mani vanua cava keimami tu kina, keimami yalodina ga vua na Kalou o Jiova kei Jisu Karisito, sega ni matanitu o Merika se dua tale na matanitu.—Joni 15:19; 17:15, 16.

• Yavutaki ga ena iVolatabu na neimami ivakavuvuli, sega ni yavutaki ena ka e vola e dua na iliuliu ni lotu mai Merika.​—1 Cesalonaika 2:13.

• Keimami muri Jisu Karisito, sega ni dua na iliuliu vakatamata.​—Maciu 23:8-10.