Na Cava Meu Masulaka?

Kena iSau Vakaivolatabu

Mo masulaka na ka e salavata kei na loma ni Kalou e cavuti ena iVolatabu. “Se cava ga eda kerea me salavata kei na lomana, ena rogoci keda o koya.” (1 Joni 5:14) Vakacava, o rawa ni talaucaka na ka o lomaleqataka? Io. E kaya na iVolatabu: “Sova yani na lomamuni e matana [na Kalou].”—Same 62:8.

Ka mo masulaka

• Vakabauta na Kalou.—Luke 17:5.

• Yalo tabu, se igu kaukaua ni Kalou mo cakava kina na ka dodonu.—Luke 11:13.

• Kaukaua mo walia kina na leqa, mo vorata na veitemaki.—Filipai 4:13.

• Vakacegu.—Filipai 4:6, 7.

• Vuku mo vakatulewa vinaka kina.—Jemesa 1:5.

• Vukei iko ena ka ni bula ena veisiga.—Maciu 6:11.

• Vosota nomu cala.—Maciu 6:12.