E Tiko na Nomuni iTalatala Yalewa?

Io. Era italatala kece na iVakadinadina i Jiova​—wili kina e vica vata na milioni na yalewa. E parofisaitaka na iVolatabu, ‘era mataivalu levu na yalewa era kacivaka voli na itukutuku vinaka.’​—Same 68:11.

O ira na iVakadinadina i Jiova yalewa era muria na nodra ivakaraitaki na yalewa era volai tu ena iVolatabu. (Vosa Vakaibalebale 31:10-31) Era sega ni vakaitutu ena ivavakoso, ia era vakaitavi vakalevu ena vunautaki ni Matanitu ni Kalou. Era vakavulici luvedra tale ga ena ivakavuvuli vakaivolatabu. (Vosa Vakaibalebale 1:8) Era saga vagumatua na yalewa mera ivakaraitaki vinaka ena nodra vosa kei na itovo.​—Taito 2:3-5.