iVakamacala e ra

a E talei na veitaravi ni nona vakayagataka na vosa vakatautauvata o Jisu me dusia na ivakatakilakila ni nona tiko. Taumada e cavuta na “dauveiqaravi yalodina e vuku,” na ilawalawa lailai era tacida tagane lumuti era liutaka tiko na cakacaka. (Maciu 24:45-47) E muri e cavuta na vosa vakatautauvata me baleti ira vakatabakidua e nodra inuinui na bula e lomalagi. (Maciu 25:1-30) Sa qai tinia nona vakamacalataki ira na nuitaka na bula e vuravura, nira tokoni ira na taci Karisito. (Maciu 25:31-46) Nikua, na parofisai i Isikeli e dusia taumada na ka ena yaco vei ira na nuitaka na bula e lomalagi. Macala ga ni sega ni dau vakaibalebaletaki na yavusa e tini vei ira na nuitaka na bula e vuravura, ia na vakaduavatataki ena parofisai qo e vakabibitaka na nodra duavata o ira na nuitaka na bula e vuravura kei ira na nuitaka na bula e lomalagi.