Isikeli

41 E kauti au sara o koya ina loqi tabu,* e vakarautaka na duru e sau. E ono na kiupiti* na kena raba ena dua na yasana, e ono na kiupiti na kena raba ena yasana adua. 2 E tini na kiupiti na raba ni katuba, na lalaga e sau ni katuba e lima na kiupiti ena dua na yasana, e lima na kiupiti ena dua tale na yasana. E vakarautaka na kena balavu e 40 na kiupiti, na kena raba e 20 na kiupiti.

3 E curu sara i loma* o koya, e vakarautaka na duru e sau ni katuba, e rua na kiupiti na kena vavaku, e ono na kiupiti na raba ni katuba. Na lalaga e sau ni katuba* e vitu na kiupiti. 4 E vakarautaka tarava o koya na rumu ena yasa ni loqi tabu, e 20 na kiupiti na kena balavu, e 20 na kiupiti na kena raba.+ E kaya vei au: “Qo na Loqi Tabu Sara.”+

5 Oti e vakarautaka na lalaga ni valenisoro, e ono na kiupiti na kena vavaku. Na rumu e sau e wavokita na valenisoro e va na kiupiti na kena raba.+ 6 E taba tolu na rumu e sau, e veitaqai, e 30 na rumu ena dua na tabavale. E biu wavoki na vata ena lalaga ni valenisoro me taura na rumu e sau, me kua ni curu ena lalaga ni valenisoro na vata.+ 7 E tiko na ikabakaba cowiri ena yasa ruarua ni valenisoro, e raba ni cabeti na rumu e cake.+ E raba ni cabeti na tabavale, me tekivu mai na tabavale e ra me cabeti na tabavale sara e cake ni muri na tabavale e loma.

8 Au raica ni cere wavoki toka na yavu ni valenisoro, na yavu ni rumu e sau e dua na gasau taucoko na kena balavu, e ono na kiupiti me yaco i tutuna. 9 E lima na kiupiti na raba ni lalaga e tuba ni rumu e sau. E toka e dua na vanua lala* ena yasa ni rumu e sau e tiki ni valenisoro.

10 Na kedrau tadrua na valenisoro kei na rumunikana*+ e 20 na kiupiti na kena raba ena dua na yasana. 11 E tiko e dua na katuba ena tadrua ni rumu e sau kei na vanua lala ena vualiku, e dua tale na katuba ena ceva. Na raba ni vanua lala e lima na kiupiti wavoki.

12 E 70 na kiupiti na raba ni vale donuya na ra volekata na vanua lala, e 90 na kiupiti na kena balavu, e lima na kiupiti na vavaku ni bai e wavokita na vale.

13 E vakarautaka na valenisoro, e 100 na kiupiti na kena balavu. Na vanua lala, na vale,* kei na kena lalaga e 100 na kiupiti na kena balavu. 14 Na raba ni mata ni valenisoro donuya na tokalau kei na vanua lala e 100 na kiupiti.

15 E vakarautaka o koya na balavu ni vale donuya na vanua lala e dakuna kei na varada ena yasana ruarua, e 100 na kiupiti.

E vakarautaka tale ga na loqi tabu, na loqi tabu sara,+ na varada ena raranivale, 16 vaka kina na ilago, na katubaleka e duidui na kedra raba e loma vaka kina e tuba,+ kei na varada ena tolu na vanua qo. Volekata na ilago, e kau na lalaga+ mai na fuloa ina katubaleka, e lati na katubaleka. 17 E vakarautaki na ulu ni katuba, e loma ni valenisoro, e tuba, kei na lalaga taucoko e wavokita. 18 E ceuti kina na jerupi+ kei na ibulibuli ni vuniniuniu,+ e toka ena maliwa ni jerupi ruarua na vuniniuniu, e rua na mata ni jerupi yadua. 19 E donuya na vuniniuniu na mata ni tamata ena dua na yasana, na mata ni laione* e donuya na vuniniuniu ena yasana adua.+ E ceuti va qori ena valenisoro taucoko. 20 E ceuti na jerupi kei na ibulibuli ni vuniniuniu ena lalaga ni loqi tabu mai na fuloa me yacova na ulu ni katuba.

21 E tautauvata na balavu ni yasana vava ni duru ni katuba* ni loqi tabu.+ E tiko ena mata ni tikina tabu* e dua na ka e vaka na 22 icabocabonisoro kau+ e tolu na kiupiti na kena cere, e rua na kiupiti na kena balavu. E vakaduru na tutuna, e kau na botona kei na yasana. E kaya sara vei au o koya: “Qo na teveli e tu ena mata i Jiova.”+

23 E yarua na katuba ni loqi tabu kei na tikina tabu sara.+ 24 E lobi rua na katuba, e rua na ilobi ni dua na katuba. 25 E ceuti na jerupi kei na ibulibuli ni vuniniuniu ena katuba ni loqi tabu, me vaka na kena e ceuti ena lalaga.+ E kau tale ga na ivakaruru ni mata ni varada e tuba. 26 E vakatubaleka tale ga na yasa ni varada, e duidui na kedra raba e loma vaka kina e tuba,+ qai ceuti kina na ibulibuli ni vuniniuniu, vaka kina na rumu e sau ni valenisoro kei na kena ivakaruru.