LESONI 04

O Cei na Kalou?

iLavelave e Tabaki

Ena balavu ni gauna eda bula tu kina, eda dau sokaloutaka e levu na kalou. Ia na iVolatabu e vakamacalataka e dua na Kalou e “uasivi ira kece na vo ni kalou.” (2 Veigauna 2:5) O cei o koya? Na cava e uasivi kina vei ira na vo ni kalou era sokaloutaki? Ena lesoni qo, vulica na ka e vinakata na Kalou qo mo kila me baleti koya.

1. O cei na yaca ni Kalou, eda kila vakacava ni vinakata meda kila na yacana?

Na iVolatabu e vakamacalataka na kena itukutuku na Kalou. E kaya: “O yau o Jiova. Qori na yacaqu.” (Wilika Aisea 42:5, 8.) Na yaca “Jiova” e ivakadewa ni yaca vakaIperiu e rairai kena ibalebale “O Koya e Vakavuna me Yaco.” E vinakata o Jiova meda kila na yacana. (Lako Yani 3:15) Eda vakadeitaka vakacava qori? E volai vaka7,000 vakacaca na yacana ena iVolatabu!a Na yaca Jiova e vakatokai vua na ‘Kalou dina e lomalagi e cake kei na vuravura e ra.’—Vakarua 4:39.

2. Na cava e vakaraitaka na iVolatabu me baleti Jiova?

Vei ira na kalou kece e sokaloutaki, e kaya na iVolatabu ni Kalou dina duadua ga o Jiova. Baleta? E tiko e vica na vuna. E tu vei Jiova na lewa kece, o koya ga e “Cecere Duadua e vuravura taucoko.” (Wilika Same 83:18.) O koya e “Kaukaua Duadua,” kena ibalebale ya ni tu vua na kaukaua me cakava na ka ga e vinakata. E “bulia na ka kece” e lomalagi kei na ka bula kece e vuravura. (Vakatakila 4:8, 11) E sega ni dua e tautauvata kei Jiova ni a bula tu ga mai liu, ena bula tu ga me tawamudu.—Same 90:2.

VAKEKELI

Dikeva na duidui ni icavuti ni Kalou kei na yacana. Mo vulica na sala kei na vuna e vakatakila kina na yacana vei iko.

Dagava na lomalagi ena bogi e dua na tagane. E volai na yaca Jiova ena vula.

3. Levu na icavuti ni Kalou, dua ga na yacana

Mo kila na duidui ni kena icavuti e dua kei na yacana, sarava na VIDIO, qai veivosakitaka na taro tarava.

VIDIO: Levu na iCavuti, Dua ga na Yaca (0:41)

Na cava na duidui ni icavuti me vaka na “Turaga,” kei na yaca?

E kaya na iVolatabu nira sokaloutaki e levu na kalou kei na turaga. Wilika Same 136:1-3, qai veivosakitaka na taro qo:

O cei e “nodra Kalou na kalou” kei na “nodra Turaga na turaga”?

4. E vinakata o Jiova mo kila qai vakayagataka na yacana

Na cava e dusia ni vinakata o Jiova mo kila na yacana? Sarava na VIDIO, qai veivosakitaka na taro tarava.

VIDIO: E Tiko na Yaca ni Kalou?—Vidio Lekaleka (3:11)

Dua na itaba mai na vidio ‘E Tiko na Yaca ni Kalou?—⁠Vidio Lekaleka.’ Dikeva e dua na turaga na yaca ni Kalou, Jiova, ena Same 83:18 ena ‘King James Version’ e volai ena 1611.

O nanuma ni vinakata o Jiova me kilai na yacana? Na vuna?

E vinakata o Jiova mera cavuta na tamata na yacana. Wilika Roma 10:13, qai veivosakitaka na taro qo:

Na cava e bibi kina me vakayagataki na yaca i Jiova?
Na cava nomu rai ke dua e nanuma na yacamu qai vakayagataka?
Na cava nona rai o Jiova ni o vakayagataka na yacana?

5. E vinakata o Jiova mo volekati koya

E dua na marama ni Cambodia o Soten e kaya ni “ka marautaki duadua” nona kila na yaca ni Kalou. Sarava na VIDIO, qai veivosakitaka na taro tarava.

VIDIO: Noqu Vakasaqara na Kalou (8:18)

iYaloyalo: Dua na itaba mai na vidio ‘Noqu Vakasaqara na Kalou.’ 1. Dabe tiko o Soten ena ruku ni vunikau ni dagava cake na lomalagi qai masu vua na Kalou dina 2. E vakavulici Soten o Herold ni yaca ni Kalou o Jiova.

Ena vidio, e uqeti Soten vakacava nona kila na yaca ni Kalou?

Ni bera ni o veikilai vinaka kei na dua, o na kila mada e liu na yacana. Wilika Jemesa 4:8a, qai veivosakitaka na taro qo:

Na cava e kerea vei iko o Jiova mo cakava?
E yaga vakacava noda kila qai vakayagataka na yaca ni Kalou meda volekati koya kina?

KA ERA KAYA ESO: “E dua ga na Kalou, e duidui ga na yaca e vakatokai kina.”

O vakabauta ni yaca ni Kalou o Jiova?
O na vakamacalataka vakacava ni vinakata na Kalou meda vakayagataka na yacana?

KA O VULICA

Na yaca ni Kalou dina duadua ga o Jiova. E vinakata meda kila qai vakayagataka na yaca qori meda volekati koya kina.

Railesuvi

E duatani vacava o Jiova mai na vo ni kalou era sokaloutaki?
Na cava meda vakayagataka kina na yaca ni Kalou?
Na cava e vakaraitaka ni vinakata o Jiova mo volekati koya?

Vakaoti na lesoni ena

iSausau

Ni o veivosakitaka na veika me baleta na Kalou, vakayagataka na yacana, Jiova.

Eso tale:

Dua tale nomu isausau

IKURI

Dikeva e lima na vuna e vakaraitaka ni bula dina tiko na Kalou.

“E Bula Tiko na Kalou?” (Ulutaga ena jw.org)

Na cava e ka vakayalomatua kina meda vakabauta ni a bula tu ga na Kalou?

“O Cei e Bulia na Kalou?” (Na Vale ni Vakatawa, 1 Okosita, 2014)

Vulica na vuna meda vakayagataka kina na yaca ni Kalou ke da sega mada ga ni kila na kena icavucavuti taumada.

“O Cei o Jiova?” (Ulutaga ena jw.org)

E bibi meda vakayagataka na yaca ni Kalou? Raica na vuna eda kaya kina ni dua ga na yacana.

“Vakacava e Levu tu na Yaca ni Kalou?” (Ulutaga ena jw.org)

a Me ikuri ni ivakamacala ni ibalebale ni yaca ni Kalou kei na vuna era biuta laivi kina eso na ivakadewa vakaivolatabu, raica na iKuri A4 ena Vakadewa ni Vuravura Vou.